|
Bin im Machland geborn,
han mei' Herz dort verlorn
und mih ziemt wia im Tram,
der Bezirk is á Bám
mit vü Ástl und Äst',
is verwurzelt ganz fest
drunt in Perg, tiaf im Grund
und sei' Wachstum is g'sund.
|
Perg, des nenn' ih en Stamm,
starke Äst' kemmán z'samm,
kann net andáschtá sein -
nenn's Mauthausen und Grein.
Und de Krone ganz drobm,
ja, de laß ih má lobm,
de má siacht vá dá Weit -
sánd de fleißigen Leit!
|
Áf den Bám bin ih stolz,
is aus edelstn Holz,
wia der blüaht und gedeiht -
hat dá Herrgott sei' Freid.
Giaßt'n fest mit sein Segn,
tragt vü Frucht áh deswegn.
Leit, de G'schicht vá mein Bám
is net neddá á Trám!
(Leopold Wandl)
|
